Shko në fillim

LiveRadio Kontakt
 Filmi “Quo Vadis, Aida?” fiton Çmimin Evropian të Filmit të Audiencës LUX 2022

Filmi “Quo Vadis, Aida?” fiton Çmimin Evropian të Filmit të Audiencës LUX 2022

Këtë vit filmi “Quo Vadis, Aida?” i regjisores boshnjake, Jasmila Zhbaniq, për masakrën e Srebrenicës, fitoi çmimin tradicional të kinemasë, i cili jepet nga Parlamenti Evropian dhe Akademia Evropiane e Filmit

Këtë vit filmi “Quo Vadis, Aida?” i regjisores boshnjake, Jasmila Zhbaniq, për masakrën e Srebrenicës, fitoi çmimin tradicional të kinemasë, i cili jepet nga Parlamenti Evropian (PE) dhe Akademia Evropiane e Filmit.

Çmimi i Filmit Evropian LUX u prezantua gjatë Asamblesë së Përgjithshme të PE-së në Strasburg të Francës.

Regjisorja boshnjake Zhbaniq, e cila mori çmimin nga presidentja e PE-së, Roberta Metsola, tha se gjatë përgatitjes së filmit të saj për masakrën e Srebrenicës, ajo e pa luftën në Bosnjë e Hercegovinë si luftën e fundit në Evropë.

Duke iu drejtuar eurodeputetëve, Zhbaniq tha: “Unë nuk e kuptoj se si evropianët lejojnë luftën në Ukrainë. Unë ju bëj thirrje të gjithëve që të gjeni një mënyrë për t’i dhënë fund luftës në Ukrainë”.

Presidentja e PE-së, Metsola tha se filmi është një thirrje e fortë për drejtësi për gratë dhe nënat në Srebrenicë. Ajo theksoi se “Një krim i tillë kundër njerëzimit nuk duhet harruar kurrë”.

Gjatë ceremonisë së ndarjes së çmimeve, një fjalim para deputetëve mbajti edhe Munira Subashiq, kryetare e Shoqatës së Nënave të Srebrenicës dhe Zhepës. “Nënat në Ukrainë po qajnë, duke kërkuar eshtrat e fëmijëve të tyre. Ju lutem të ndaloni luftën në Ukrainë, në mënyrë që të paktën disa nëna të vuajnë më pak”, tha Subashiq.

“Quo Vadis, Aida?”, është një bashkëprodhim i Bosnjë e Hercegovinës, Austrisë, Holandës, Francës, Polonisë, Norvegjisë, Gjermanisë, Rumanisë dhe Turqisë. Filmi tregon historinë e Aidës, e cila ishte përkthyese për paqeruajtësit në Srebrenicë në verën e vitit 1995.

Ngjarjet në Srebrenicë tregohen përmes syve të mësueses Aida, familja e së cilës ndodhet në kampin e OKB-së.

/AA

Prev Post

Dëshmia rrëqethëse e ish-të burgosurit për makabritetet në burgun e Burrelit

Next Post

Sot zhvillohet provimi i parë i maturës shtetërore

post-bars

Leave a Comment