Shko në fillim

LiveRadio Kontakt
 Nga 1 maji, qarkullimi i mjeteve drejt aeroportit me një sens lëvizje

Nga 1 maji, qarkullimi i mjeteve drejt aeroportit me një sens lëvizje

Autoriteti Rrugor Shqiptar (ARRSH) ka njoftuar qytetarët se duke filluar nga 1 maji, qarkullimi i automjeteve në rrugën drejt aeroportit “Nënë Tereza” do të realizohet me një sens lëvizje në aksin nga Qafë Kashari-Rrethrrotullimi i “Nënë Terezës”-Ahmetaq.

Sipas ARRSH-së, mjetet që vijnë nga veriu për drejtimin në Rinas do të ndjekin lëvizjen Fushë Krujë-Vorë-Qafë Kashar-Aeroport, teksa ky vendim do të jetë për një afat të pacaktuar.

Në njoftim, ARRSH-ja thotë se ka rritje të qarkullimit të mjeteve në këtë aks, si pasojë e rritjes së fluksit të fluturimeve pas periudhës së Covid-19.

Kjo ka sjellë probleme për udhëtarët për të kapur linjat e fluturimeve në orarin e caktuar, ndaj qarkullimi i mjeteve me një sens lëvizje, do të bëhet me qëllim shmangien e vonesave për lëvizjen drejt aeroportit, si dhe rritjen e sigurisë rrugore.

/euronews.al

Prev Post

Si do të duken semaforët e të ardhmes?

Next Post

Ja efektet fantastike në trupin tuaj nëse filloni të pini kafe pa kafeinë

post-bars

Leave a Comment