LOADING...

Shko në fillim

LiveRadio Kontakt
 Muzeu më i madh i artit në Ukrainë tërheq veprat për shkak të pushtimit rus

Muzeu më i madh i artit në Ukrainë tërheq veprat për shkak të pushtimit rus

Punonjësit e muzeut më të madh të artit të Ukrainës po grumbullojnë koleksionet për të mbrojtur trashëgiminë e tyre kombëtare në rast se pushtimi rus përparon drejt perëndimit.

Dyert e Muzeut Kombëtar “Andrey Sheptytsky” në Lviv janë mbyllur që nga fillimi i agresionit të Rusisë kundër Ukrainës më 24 shkurt, dhe vendet e trashëgimisë në të gjithë vendin përballen me rrezik ndërsa luftimet vazhdojnë.

Fotografia: AP

Drejtori i muzeut eci nëpër korridoret e tij, duke mbikëqyrur ndërsa stafi grumbullonte koleksionet e tij.

Ihor Kozhan tha se merr telefonata çdo ditë nga institucione të tjera kulturore evropiane që i ofrojnë ndihmë ndërsa ai dhe stafi i tij përpiqen për të ruajtur veprat e muzeut.

Në një galeri pjesërisht të zbrazët, punonjësit e muzeut vendosën pjesë baroke të mbështjella me kujdes në kuti kartoni.

Pak metra më tutje, një grup eci poshtë shkallëve madhështore kryesore duke mbajtur një pjesë gjigante të artit të shenjtë, ikonostasin Bohorodchany të shekullit të 18-të.

Mes mureve të zhveshura dhe statujave të mbuluara, Kozhan vajtoi për muzeun bosh, i cili u ka mbijetuar dy luftërave botërore.

“Ndonjëherë qaj, sepse këtu është bërë shumë punë nga stafi ynë, kërkon kohë, energji dhe kur bën diçka të mirë ndjen kënaqësi. Sot sheh mure bosh, kjo të bën të ndihesh i hidhur, i trishtuar”, tha Kozhan.

Fotografia: AP

Anna Naurobska, drejtuese e departamentit të dorëshkrimeve dhe librave të rrallë, tha se ajo ende nuk e di se ku të ruajë në mënyrë të sigurt koleksionin e më shumë se 12,000 artikujve të paketuar në kuti.

“Një muze duhet të jetojë. Njerëzit duhet të jenë në gjendje të vizitojnë muzetë, dhe para së gjithash fëmijët. Ata duhet të mësojnë bazat e kulturës së tyre”, tha Kozhan.

Ashtu si muzeu, vende të tjera në Lviv po nxitojnë të mbrojnë vepra me rëndësi artistike ose kulturore.

Ekspozitat në Muzeun e Historisë së Fesë janë pothuajse bosh, raporton AP.

Gjithashtu në Katedralen Latine, skulpturat janë mbuluar me karton, shkumë dhe plastikë për t’i mbrojtur ato nga dëmtimet e mundshme të copëzave. / KultPlus.com

Fotografia: AP
Prev Post

Turqia kundërshton çdo ‘gjueti shtrigash’ kundër popullit, letërsisë, artit rus

Next Post

Fondet shtetërore ruse promovojnë mohimin e gjenocidit në Bosnje

post-bars

Leave a Comment