Shko në fillim

LiveRadio Kontakt
 Hidhen sot në treg dy kartëmonedha të reja, prerjet 500 dhe 2000 LEKË

Hidhen sot në treg dy kartëmonedha të reja, prerjet 500 dhe 2000 LEKË

Duke filluar nga dita e sotme do të hidhen në treg dy kartëmonedha të reja, 500 dhe 2 000 lekë. Në këto kartëmonedha të reja nuk do të ketë ndryshime thelbësore pasi “fytyra” e tyre do vijojë të jetë Ismail Qemali dhe Mbreti Gent. Me hedhjen e këtyre dy prerjeve në treg plotësohet edhe seria e re e kartëmonedhave të prezantuara nga Banka e Shqipërisë e përbërë nga 6 prerje, Më konkretisht:

– kartëmonedhat 200 Lekë dhe 5000 Lekë u hodhën në qarkullim duke filluar nga data 30 shtator 2019;

-kartëmonedhat 10000 Lekë dhe 1000 Lekë u hodhën në qarkullim duke filluar nga 30 qershor 2021;

-kartëmonedha 500 Lekë dhe 2000 Lekë janë qe ishin planifikuar të hidhen në qarkullim duke filluar nga tremujori i katërt 2021 – tremujori i parë 2022

Kartëmonedhat vijnë me një dizajn të ri dhe janë prodhuar sipas teknologjisë më të fundit, me një përmirësim të cilësisë dhe me elementë shtesë sigurie duke e bërë më të vështirë falsifikimin e tyre.Ky fenomen sipas bankës qendrore mbetet në nivele të ulëta, megjithatë përgjatë vitit 2020 u konstatua një rritje e kartëmonedhave të falsifikuara në qarkullim, ku ato me vlerë 2000 dhe 1000 lekë rezultonin edhe prerjet më të falsifikuara, ndjekur nga kartëmonedhat 5000 dhe 500 lekë. Teknikat e përdorura nga falsifikatorët mbeten përgjithësisht primitive si ato përmes printimit me ngjyra apo metodave të tjera jo shumë të sofistikuara me përdorimin e imitimit të elementëve të sigurisë së kartëmonedhave. Pavarësisht emëtimit të kartëmonedhave të reja, ato ekzistuese të të gjitha prerjeve do të vazhdojnë të qarkullojnë paralelisht me kartëmonedhat e reja dhe të shërbejnë si mjet pagese .

Prev Post

Ndahet nga jeta gazetari dhe poeti Demir Gjergji

Next Post

Panik në një shkollë në Tiranë, merr flakë linja e tensionit të mesëm, evakuohen nxënësit

post-bars

Leave a Comment