LOADING...

Shko në fillim

LiveRadio Kontakt
 Aktorja Emma Watson shpreh solidaritet me Palestinën

Aktorja Emma Watson shpreh solidaritet me Palestinën

Postimi i aktores tërhoqi vlerësime nga përdoruesit pro-palestinezë të mediave sociale, si dhe reagime nga të dërguarit izraelitë

Washington

Aktorja britanike Emma Watson ka shprehur solidaritet me aktivizmin pro-palestinez në mediat sociale, duke shkaktuar reagime nga zyrtarët aktualë dhe ish-zyrtarë izraelitë dhe lavdërime nga përdoruesit pro-palestinezë të mediave sociale.

Aktorja, e cila njihet për portretizimin e personazhit Hermione Granger në filmat “Harry Potter”, shpërndau një postim të muajit maj nga “Bad Activist Collective” në Instagram të dielën, një fotografi që paraqet aktivistët pro-Palestinës duke marshuar, si dhe fjalët “Solidariteti është një folje”.

Watson e shoqëroi postimin me një citim nga studiuesja britaniko-australiane Sara Ahmed, duke thënë: “Solidariteti nuk supozon se betejat tona janë të njëjtat beteja, ose se dhimbja jonë është e njëjta dhimbje, ose se shpresa jonë është për të njëjtën të ardhme”.

“Solidariteti përfshin angazhimin dhe punën, si dhe njohjen se edhe nëse nuk kemi të njëjtat ndjenja, ose të njëjtat jetë, ose të njëjtat trupa, ne jetojmë me një bazë të përbashkët”, shkruhet më tej.

Postimi nga Watson mori vlerësim të gjerë nga përdoruesit pro-palestinez të Instagramit, disa prej të cilëve e falënderuan aktoren për mbështetjen e saj në seksionin e komenteve.

Përveç roleve të saj në ekranin e madh, Watson është një ambasadore e vullnetit të mirë të OKB-së për Gratë.

I dërguari i Izraelit në OKB, Gilad Erdan, kritikoi ashpër postimin e saj, duke sulmuar yllin në Twitter me fjalët: “Fiksioni mund të funksionojë në filmin Harry Potter, por nuk funksionon në realitet”. Atij iu bashkua paraardhësi i tij, Danny Danon, i cili akuzoi Watson-in si “antisemite”.

Nga ana tjetër, Leah Greenberg, një nga drejtoret e grupit progresiv të avokimit “Indivisible Guide”, deklaroi se nuk është dakord me akuzën e Danon-it dhe deklaroi se antisemitizmi është shndërruar në një armë krejtësisht cinike dhe dashakeqe “për t’i shuar shprehjet bazike të solidaritetit me popullin palestinez”./Anadolu Agency (AA).

Prev Post

Dr. Mark Skinner: Serbët i’u kanë nxjerrë Orgvnet qindra Shqiptarëve, kemi fakte

Next Post

Letra e Frida Kahlos për të dashurin: Të adhuroj më shumë se kurrë më parë

post-bars

Leave a Comment