Këtë fundjavë u mbajt “Auto Slalom” për të garuesit e pasionuar të auto sportit në Kosovë, garë të cilën AK Ferizaj e organizon në bashkëpunim me Federatën e Auto Sportit të Kosovës (FASK) dhe Komunën e Ferizajt.

Brunilda Gjura është një nga garueset që, thuajse nuk ka munguar në asnjë garë në disiplinën auto sllallom që nga viti 2019.

Që atëherë rezultatet e anëtares së Prishtina Racing Team kanë qenë jashtëzakonisht të mira.

Për tri sezone radhazi, 2019, 2020, 2021, kampione në kategori, duke e bërë femrën e parë në auto sport në Kosovë meritore të çmimit “Helmeta e Artë”.

Fillimet e saj në auto sport i pati me BMW E92, por që gjatë rrugëtimit ka garuar edhe me vetura të tjera.

Ajo shprehet se “Nuk kam konkurrencë në kategorinë time”  dhe buzëqesh.

/Radio Kontakt