Administrata Biden njoftoi dje se do të vendosë sanksione të ashpra ekonomike ndaj Rusisë lidhur me pushtimin e Ukrainës, i cili filloi seriozisht të enjten në mëngjes.

Por oligarkët miliarderë të afërt me presidentin rus Vladimir Putin potencialisht mund të zbehin efektet e sanksioneve falë kriptomonedhës, sipas ekspertëve.

Natyra e decentralizuar e monedhave dixhitale si Bitcoin dhe Ethereum u lejon qeverive dhe enteve joqeveritare njësoj përfitimin e transaksioneve pavarësisht nëse ato janë të shkëputura nga shërbimet tradicionale bankare ose jo.

Bitcoin, Ethereum dhe kripto të tjera luhaten drejt fitimeve pas humbjeve të mëdha mbi lajmet e Rusisë.

“As diktatorët dhe as aktivistët e të drejtave të njeriut nuk do të ndeshen me ndonjë censurë në rrjetin e bitcoin,” tha për Bloomberg Matthew Sigel nga menaxheri i investimeve VanEck.

Kriptomonedhat, të cilat janë asete dixhitale që përdorin kriptografinë për të maskuar përdoruesit e tyre, mbështeten në teknologjinë blockchain, ku të dhënat janë të disponueshme në një libër publik, por ruhen në një mënyrë që u lejon përdoruesve të marrin pseudonime./JOQ