LOADING...

Shko në fillim

LiveRadio Kontakt
 174 vjet nga botimi në Itali i gazetës së parë në historinë e shtypit shqiptar

174 vjet nga botimi në Itali i gazetës së parë në historinë e shtypit shqiptar

Si sot më 23 shkurt të vitit 1848, u botua në Napoli gazeta e parë në historinë e shtypit shqiptar, “L’albanese d’Italia”.

Ky botim periodik, që cilësohet si gur themeli i shtypit kombëtar, qe nën drejtimin e një prej figurave qendrore të periudhës së Rilindjes, shkrimtarit arbëresh Jeronim de Rada.

Gazeta, shkruar kryesisht në gjuhën italiane dhe pjesërisht në arbërisht, shërbeu si një tribunë e komunikimit të mesazheve politike, shoqërore e kulturore, në përpjekje për të krijuar dhe informuar opinionin publik të komunitetit arbëresh në Itali. Për këtë qëllim, në disa prej numrave të saj, janë publikuar lajme të shumta mbi zhvillimet në Shqipëri dhe në rajonin e Ballkanit.

De Rada, i cili gëzon atributet e “babait” të gazetarisë shqiptare, përveç konceptimit të periodikut, kish marrë nën ngarkim të plotë kryerjen e çdo procesi të parashikuar deri tek shtypshkrimi i përmbajtjes. Në vijim, do t’i vinte në ndihmë një bashkëpunëtor, studenti Nicola Castagna. Personaliteti i botës arbëreshe, ndërmori në vitin 1883 edhe botimin e revistës së parë në gjuhën shqipe, “Flamuri i Arbërit”.

Drejtoria e Përgjithshme e Arkivave publikoi sot dy fletë të numrit nëntë të revistës “L’albanese d’Italia”, publikuar më datë 22 mars, 1848./atsh/ KultPlus.com

Prev Post

6 frazat që njerëzit negativë i përdorin për të zvogëluar vetëbesimin tek të tjerët

Next Post

Debati i ashpër mes Fehmi Lladrovcit dhe Paskal Milos: Ne duam të luftojmë por duam të dijmë se Shqipëria a do e bëj detyrën e vet apo s’do e bëj …

post-bars

Leave a Comment