LOADING...

Shko në fillim

LiveRadio Kontakt
 Xhaçka në pritjen e zhvilluar nga Shqipëria në OKB: Të punojmë së bashku për një botë më të mirë

Xhaçka në pritjen e zhvilluar nga Shqipëria në OKB: Të punojmë së bashku për një botë më të mirë

Ministrja e Jashtme, Olta Xhaçka në fjalën në prezantimin e Shqipërisë si anëtare e përkohshme në Këshillin e Sigurimit të OKD, tha se qëllimi kryesor është për të punuar të gjithë së bashkë, për të ndërtuar sipas saj një botë më të mirë.

“Ne kemi ardhur në Këshill duke qënë realistë për atë që mund të arrijë një vend i vogël. Por, në të njëjtën kohë, ne vijmë në Këshill me optimizmin se edhe vendet e vogla mund të kenë ndikim në çështje si Gratë, Paqja dhe Siguria, Luftimi i Ekstremizmit të Dhunshëm, të Drejtat e Njeriut dhe e drejta ndërkombëtare, Ndryshimet Klimatike dhe Siguria ose rritja e transparencës dhe efikasitetit të bashkëpunimit midis kombeve në Këshillin e Sigurimit.

Në këto përpjekje, ne e dime se të vetëm nuk mund të arrijmë asgjë. Mënyra e vetme për të pasur ndikim në çështjet që shqetësojnë botën sot, është duke punuar ngushtësisht së bashku, me të gjitha vendet me mendime të njëjta. Duke u përpjekur për të gjetur gjuhën e përbashkët, atë që na bashkon edhe kur ka shumë fusha në të cilat nuk mendojmë njësoj.

Jemi befasuar gjatë vitit të kaluar se sa shumë vende kanë shprehur vullnetin dhe dëshirën për të punuar së bashku. Dhe kjo është pikërisht ajo që ne duam të bëjmë: të punojmë së bashku. Për të krijuar sinergji dhe për ta kthyer praninë tonë në Këshillin e Sigurimit në një segment kalimi stafetash ku një vend i merr këto çështje aty ku paraardhësi i tij në Këshill i ka lënë dhe ua dorëzon dosjen atyre që vijnë në Këshill pas tyre, kur ju mbaron mandati.

Ky është vizioni ynë. Kjo është shpresa jonë. Dhe shpresojmë që do të kemi rastin të punojmë së bashku me sa më shumë prej jush për hir të një bote më të mirë”, tha Xhaçka.

/B.K.//ReportTv.al

Prev Post

Trudeau kërcënon kamionistët: Do ju bllokojmë llogaritë bankare

Next Post

Fjalët e para të Iliadës janë shkruar në gjuhën pellazge-shqipe, me alfabet pellazg jo grek

post-bars

Leave a Comment