oreja e Veriut ka publikuar fotografi për të cilat tha se janë marrë nga lëshimi i raketës më të fuqishme në pesë vjet.

Fotot e pazakonta të marra nga hapësira tregojnë pjesë të gadishullit Korean dhe zonave përreth. Pheniani që lëshoi raketat balistike konfirmoi se kishte testuar një raketë me rreze të ndërmjetme Hëasong-12 (IRBM).

Testi i fundit ka ngritur sërish alarmin në komunitetin ndërkombëtar. Pheniani ka kryer një numër rekord prej shtatë lëshime raketash vetëm gjatë muajit të kaluar, një stuhi intensive aktiviteti që është dënuar ashpër nga SHBA, Koreja e Jugut, Japonia dhe vende të tjera.

OKB-ja e ndalon Korenë e Veriut për testet e armëve balistike dhe bërthamore dhe ka vendosur sanksione të rrepta, por shteti i Azisë Lindore nuk i respekton aspak rregullat.