Në Festivalin e 76-të të Filmit në Kanë të Francës i kryesuar nga regjisori suedez Ruben Östlund, do të konkurrojnë 21 filma për Palmën e Artë, përfshirë filmin “Kuru Otlar Üstüne” të regjisorit të njohur turk, Nuri Bilge Ceylan, raporton Anadolu.

Ceremonia e hapjes së Festivalit u mbajt në 16 maj me filmin “Jeanne du Barry” të regjisores franko-algjeriane Maiwenn Le Besco ndërsa do të vazhdojë deri më 27 maj.

Festivali i drejtuar nga regjisori suedez Östlund këtë vit ka 9 anëtarë jurie. Östlund fitoi Palmën e Artë me filmat “The Square” në vitin 2017 dhe “Triangle of Sadness” (Trekëndëshi i trishtimit) i bashkëprodhuar nga TRT vitin e kaluar.

21 filma do të konkurrojnë për Palmën e Artë

Filmi i Nuri Bilge Ceylanit i prodhuar nga TRT “Kuru Otlar Üstüne” (Mbi barërat e thata) është ndër 21 filmat që konkurrojnë për Palmën e Artë.

Ndër filmat që do të konkurrojnë në konkursin kryesor janë bashkëprodhimet e TRT-së, “Club Zero” e regjisores austriake Jessica Hausner dhe “La Chimera” e regjisores italiane Alice Rohrwacher.

Kundërshtarët e reformës së pensioneve kërcënojnë se do të fikin dritat e festivalit

Mbetet e paqartë nëse “kriza politike” e shkaktuar nga reforma e pensioneve e miratuar në Francë do të ketë ndikim në Festivalin e Filmit në Kanë.

Dega energjetike e Sindikatës së Përgjithshme të Punës (CGT), e cila kundërshton reformën, kërcënoi të ndërpresë energjinë elektrike për Festivalin e Filmit në Kanë muajin e kaluar.

Ndërsa 120 mijë njerëz pritej të vinin në Kanë gjatë festivalit, ishte e ndaluar të mbaheshin protesta në zonën e festivalit deri në orën 06:00 të datës 28 maj.

Palma e Artë prej 18 karatësh

Festivali i Filmit në Kanë, i planifikuar fillimisht për 1-20 shtator 1939, u anulua atë vit për shkak të Luftës së Dytë Botërore. Pas luftës, Festivali i parë i Filmit në Kanë u mbajt në vitin 1946 dhe deri në vitin 1954 “Grand Prix” (Çmimi i Madh) i festivalit iu dha regjisorëve më të mirë që morën pjesë në festival.

Çmimi “Palma e Artë”, e cila është kthyer në simbolin e festivalit, iu dha për herë të parë filmit “Marty” të regjisorit amerikan Delbert Mann në zhanrin “dramë romantike” në vitin 1955.

Palme d’Or e punuar me dorë me 19 fletë është prodhuar nga prodhuesi i famshëm i orëve dhe bizhuterive Chopard në Gjenevë, Zvicër. Palma e Artë prej 18 karatësh u merr shtatë zejtarëve 40 orë për ta bërë.

Çmimi Palme d’Or simbolizon palmën në stemën e qytetit të Kanës.

Türkiye e fitoi këtë çmim për herë të parë në vitin 1982 me filmin “Yol” (Rruga) të Yılmaz Güney-t dhe gjithashtu në vitin 2014 me filmin “Kış Uykusu” (Gjumi i dimrit) i regjisorit Nuri Bilge Ceylan./TRT