TIRANË, 17 korrik /ATSH/ Kryeministri Edi Rama ndau sot një video në rrjetet sociale nga Saranda, ku gjatë këtyre ditëve takon turistë prej gjithë botës, të cilët i kalojnë pushimet verore dhe nuk i kursejnë fjalët më të mira për plazhet e kristalta, pastërtinë, sigurinë dhe sigurisht ushqimin e shkëlqyer.

https://www.facebook.com/watch/ediramaal/?ref=embed_video

Turistët shprehin vlerësime për ujin, mikpritjen, ushqimin.

“Është një vend shumë i bukur, me njerëz miqësorë. na pëlqen deti, ushqimi”, u shprehën dy turistë të huaja.

“Njerëzit janë të këndshëm. Pamja është mahnitëse. Gjithçka është e përsosur”, thanë dy turistë të tjerë të huaj.

“Sarandën e zgjodha sepse është një vend shumë i bukur , ka një det të mrekullueshëm”, u shpreh një turiste vendase.

Një tjetër turist i huaj vlerëson plazhet e bukura të Sarandës.

“Plazhe të bukura, ushqim i shkëlqyer. më pëlqen shumë ky vend”, tha një tjetër.

“Mendoj se deri tani përmbush pritshmëritë tona. kemi vetëm 2 ditë që kemi ardhur, por do të qëndrojmë 14 ditë dhe jam i bindur që do të na pëlqejë shumë”, theksoi një tjetër vizitor i huaj.

Një turiste vendase, tha se, “është një vend shumë i bukur, hahet mirë, pushohet mirë, detin e ka të mrekullueshëm dhe njerëzit janë shumë të mirë”.

Dy turiste nga Kosova thanë se e zgjodhën Sarandën sepse është vend shumë i pastër dhe ka shumë plazhe ku mund të zgjedhësh. Ato vlerësuan gjithashtu ushqimin.

Një turiste, e cila ka ardhur nga Bostoni i SHBA, u shpreh se, “këtu është shumë bukur, deti është i ngrohtë i mirë. Uji është i pastër, i bukur. Ushqimi është i mirë”./ata.gov.al