LOADING...

Shko në fillim

LiveRadio Kontakt
 Viti i ri akademik, pedagogët në protestë, bojkotojnë mësimin

Viti i ri akademik, pedagogët në protestë, bojkotojnë mësimin

Sot nis viti i ri akademik 2022-2023, ku janë rreth 20 mijë studentë që ulen për herë të parë në auditore.

Ndryshe nga vitet e tjera, këtë herë pedagogët në Tiranë kanë parlajmëruar se do të bojkotojnë mësimin dhe do të zhvillojnë një protestë nga ora 10:00 deri në 12:00.

Ndërkohë pedagogët kërkojnë edhe mbështetjen e studentëve për protestën. Këta të fundit aktualisht ndodhen në klasat e mësimit.

Kërkesat e pedagogëve

-Rritja e pagave për pedagogët dhe stafin ndihmës

-Rritja e financimit për kërkimin shkencor

-Rivendosja e shtesave mbi pagë për ‘Dëshmi shëndeti në punë’

-Rritja e shtesës mbi pagën për vjetërsinë në punë

-Rritja e pagesës së orëve të ngarkesës suplementare

-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfinancimit të orës mësimore të leksionit.

-Rishikimin e tatimit prej 23% mbi pagesën e ngarkesës suplementare

-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.

-Të bëhet transparencë mbi buxhetin dhe të ardhurat e universitetet publike.

Kreu i Sindikatës së Pedagogëve, Sandër Kovaçi tha për mediat se bojkoti do të vijojë deri në plotësimin e kërkesave.

Ai theksoi se protestat do të jenë të përditshme përballë Politeknikut për t’u zhvendosur përballë qeverisë.

Kovaçi u shpreh se kanë të gjithë mbështetjen e studentëve pasi interesat  në këtë protestë janë të përbashkëta.

Më 5 tetor, ministrja e Arsimit, Evis Kushi tha se qeveria ka vendosur që pagat e pedagogëve të rriten me 15 për qind, nga të cilat 7 për qind do të mbulohen nga buxheti i shtetit.

“Universitetet me autonominë që gëzojnë mund të propozojnë rritje mbi kufirin minimal, të cilën mund ta mbulojnë me të ardhurat e tyre”, u shpreh ministrja.

/euronews.al

Prev Post

OBT rendit Shqipërinë të parën në Europë për fluksin e turistëve të huaj

Next Post

Kosova përgatitet për ngrohjen gjatë muajve në vijim pas paralajmërimit për një dimër sfidues

post-bars

Leave a Comment