Hëna u bë e kuqe për disa çaste këtë të diel. Eventi shënoi eklipsin e parë të plotë të hënës për këtë vit.

Pamja e rrallë shkaktohet kur Hëna kalon përmes hijes së Tokës, duke bllokuar dritën e diellit.

Shkencëtarët e NASA-s thonë se pikërisht në çastin kur hëna është tërësisht në errësirë, ajo merr ngjyrën e veçantë thuajse në të kuqe.

Megjithatë, ngjarja nuk u vrojtua njësoj në të gjithë rruzullin tokësor. Personat që jetojnë në Amerikën e Jugut dhe në disa pjesë të Amerikës së Veriut mundën të shihnin vetëm eklipsin e plotë.

Ndërsa të tjerë në zona si Zelanda e Re dhe Europa Lindore panë vetëm eklipsin pjesor.

/euronews