Psikologjia luan një rol të rëndësishëm në jetën tonë, si në shëndetin mendor, ashtu edhe në atë fizik. Gjatë dekadës së fundit, shëndeti mendor po humbet ngadalë etiketën “tabu” dhe më në fund po merr vëmendjen që meriton.

Këtu janë 6 mënyra se si një kurs psikologjie mund të ndryshojë jetën tuaj për mirë: 

1. Do të kuptoni se si funksionon kujtesa përmes një kursi psikologjie

Sipas Ekzaminimit Shumëplanësh të Kujtesës dhe Origjinës së saj (MEMO), “Kujtesa jep një kontribut themelor në përvojën tonë të përditshme mendore”. Psikologët shpenzojnë vite dhe dekada duke studiuar kujtesën, mënyrat se si ne formojmë kujtimet e reja dhe arsyet pse harrojmë shpesh. Ja disa mënyra për të përmirësuar kujtesën tuaj, të cilat janë të dobishme për të studiuar:

• Vizualizoni konceptet duke përdorur grafikë
• Organizoni materialet tuaja të studimit
• Përqendrohuni më mirë duke reduktuar shpërqendrimet
• Kujtoni atë që keni mësuar më parë

2. Mund të rrisni nivelet tuaja motivuese

Keni ndonjëherë dëshirën për të bërë diçka, por të përfundoni duke e shtyrë atë për një kohë të pacaktuar? Epo, kur keni një qëllim për të arritur, të tilla si mësimi i një gjuhe të huaj, pastrmi i dhomës suaj, apo edhe të mësoni për provime, keni nevojë për motivim për t’i kryer ato. Sipas Kou Murayama të Shoqatës Amerikane të Psikologjisë (APA), “Motivimi është i rëndësishëm pothuajse në çdo aspekt të sjelljes njerëzore”. Të kuptuarit se si funksionon motivimi nga një kurs psikologjie, ju mban në rrugën e duhur me planet tuaja.

3. Mundësia për t’u bërë një udhëheqës i madh

Ju do të rifilloni një rol udhëheqës në një moment të jetës tuaj. Të bëhesh lider nuk do të thotë vetëm t’i detyrosh të tjerët të ndjekin udhëzimet e tua. Studimi psikologjik ka vërtetuar se dëgjimi i mendimeve të anëtarëve të tjerë të grupit është në të vërtetë më efektiv. 

4. Mund të jeni një komunikues i shkëlqyer

Nëse dëshironi të komunikoni mesazhin tuaj në mënyrë efektive, duhet t’i kushtoni vëmendje sinjaleve joverbale që ju dhe të tjerët po shprehni. Shenjat joverbale përkufizohen mënyra se si lëvizni, shikoni, dëgjoni dhe reagoni ndaj personit që keni përballë. Kur ato përputhen me mesazhin që po përcillni, formohet besimi dhe qartësia. Pra, mos harroni t’i kushtoni vëmendje kontaktit me sy, sinjaleve joverbale dhe tonit të zërit. Lajmi i mirë është se ju mund t’i mësoni ato duke u marrë me psikologjinë.

5. Kuptoni më mirë çështjet që lidhen me shëndetin mendor

Njohuritë tuaja mbi shëndetin mendor janë një bonus i madh nëse planifikoni të jeni psikolog ose këshilltar klinik. Ju mund t’i ndihmoni në mënyrë efektive pacientët tuaj duke u njohur me shumëllojshmërinë e kushteve dhe sjelljeve të tyre.

6. Gjithmonë do të mësoni diçka të re për veten 

E vërteta për marrjen e një programi psikologjie është: nuk ndaloni kurrë së mësuari, edhe nëse kjo do të thotë të mësoni për veten tuaj. Vetëdija dhe ndjeshmëria janë tipare të shkëlqyera për një psikolog. Duke reflektuar mbi përvojat dhe sjelljet tuaja të së kaluarës, do të mësoni të jeni një dëgjues më i mirë për të cilin kanë nevojë pacientët tuaj. Përveç kësaj, do të keni më shumë ndjeshmëri dhe të organizoni më mirë mendimet tuaja.

A jeni gati për të marrë këtë rrugë?

Përgatiti K.I / Burimi easyuni.my/http://revistapsikologji.com/