Ushtarët ukrainas janë më të përgatitur se kurrë në këto momentet ku trupat ushtarake ruse kanë nisur të sulmojnë me armë të fuqishme, tanke dhe predha territoret e Ukrainës. Pasi rrëzoi 5 avionë dhe një helikopter rus, shtabi i Përgjithshëm i Forcave të Armatosura të Ukrainës ka deklaruar se ka rrëzuar edhe avionin e gjashtë të Rusisë. Gjithashtu Forcat e Armatosura të Ukrainës kanë djegur edhe 4 tanke të pushtuesve rusë në Kharkiv. Sipas informacioneve të Komandës së Forcave të Bashkuara ukrainase, ushtria e tyre ka vrarë edhe 50 ushtarë rusë të cilët pak para se të vriteshin tentuan të mësyjnë në zonat e Ukrainës dhe bombarduan rrugët dhe lagjet e kryeqytetit ukrainas./JOQ