Tetë efektivë policisë kanë marrë dëmtime nga sende të forta, të hedhura nga banoërt e “5 Majit”, gjatë rezistencës së tyre kundër vendimit për shembjen e disa banesave në këtë zonë.

Bëhet fjalë për 5 punonjëse të Policisë së Shtetit dhe 3 punonjës të Policisë Bashkiake, të cilët po marrin ndihmë mjekësore në Spitalin e Traumës.

“Policia e Tiranës ka shoqëruar disa persona në Komisariat dhe cilido që ka ushtruar dhunë ndaj punonjësve të Policisë, do përballet me ligjin. Policia e Shtetit apelon për këdo të ndalë e shmangë aktet e dhunës mbi forcat e rendit, në të kundërt do të përballen me forcën e ligjit”, thuhet në njoftimin e policisë./vizionplus.tv