LOADING...

Shko në fillim

LiveRadio Kontakt
 Konjufca: Më 17 Shkurt, një gjendje e veçantë shpirtërore që mishëron krenarinë me entuziazëm

Konjufca: Më 17 Shkurt, një gjendje e veçantë shpirtërore që mishëron krenarinë me entuziazëm

Kryeparlamentari Glauk Konjufca në seancën e sotme solemne të Kuvendit të Kosovës për 14-vjetorin e Pavarësisë së Kosovës ka deklaruar se përkulet para luftës së shenjtë të Ushtrisë Çlirimtare të Kosovës.

Konjufca është shprehur se pavarësia është një bimë e lirisë, e cila kërkon ujitje për çdo ditë.

Andaj, sipas tij, ata do të kujdesen për të duke e përmbushur amanetin e të rënëve.

“Çdonjëri nga ne më 17 Shkurt kaplohemi nga një gjendje e veçantë shpirtërore, e cila e mishëron krenarinë me entuziazëm. Krenaria na vjen si sublimim i rrugës së gjatë e të mundimshme të popullit tonë për liri, kurse entuziazmi si vetëdije për arritjet e deritashme dhe si optimizëm për të ardhmen. Sot duke e kujtuar 14-vjetorin e shpalljes së Pavarësisë para së gjithash i nderojmë dëshmorët e luftës për liri, që nuk e kursyen as jetën për mëvetësinë e shtetit tonë. Përkulemi para sakrificës së tyre dhe të luftës së shenjtë dhe të lavdishme të Ushtrisë Çlirimtare të Kosovës”, ka deklaruar ai.

Konjufca është shprehur se asnjë gjykatë në botë nuk mund ta shtrembërojë luftën e UÇK-së.

“Lufta jonë ishte e drejtë dhe e domosdoshme, ajo ishte e drejtuar kundër okupatorit për ndaljen e gjenocidit dhe për lirinë tonë të përbashkët. Asnjë gjykatë në botë nuk mund ta shtrembërojë a ta ndryshojë këtë të vërtetë, që është e vërteta e jetës sonë. Le t’i nderojmë po ashtu ato gra dhe ata burra, të cilët me mençurinë dhe guximin e tyre na drejtuan dhe orientuan që udhëkryqet e rrezikshme të historisë t’i kapërcejmë pa përplasje të brendshme e fatale”, ka deklaruar ai.

Rruga Press

Prev Post

Nga dvd e “fenomenit” Ronaldo tek magjitë me Southampton, kush është Broja, ylli i ri i Premier League

Next Post

Kurti kujton heronjtë: Dhanë jetën për më të shtrenjtën dhe më të çmuarën

post-bars

Leave a Comment