Një fshat fantazmë që u braktis nga familjet 30 vjet më parë është bërë një atraksion turistik pasi u rishfaq pas tharjes së rezervuarit që e kishte mbuluar. Fshati Aceredo në rajonin veriperëndimor të Galicisë të Spanjës u braktis në vitin 1992 kur një hidrocentral portugez mbylli portat e tij, duke bërë që lumi Limea të përmbyste tokat dhe ndërtesat në zonën përreth, duke krijuar rezervuarin Alto Lindoso. Por rrënojat fantazmë të shtëpive janë rishfaqur pasi nivelet e ujit në rezervuar kanë rënë dhe në fotografi duken çatitë e shembura pjesërisht që rishfaqen nga thellësia e liqenit.

Ndërsa rrënojat skeletore vazhdojnë të tërheqin vëmendjen e njerëzve, vendndodhja është kthyer në një atraksion të papritur turistik, me pushuesit që mbërrijnë për të parë sendet e mbetura të fshatit të dikurshëm. Duke ecur në tokën me baltë të plasaritur nga thatësira në disa pika, vizitorët gjetën çati pjesërisht të shembura, tulla dhe mbeturina druri që dikur përbënin dyer ose trarë, madje edhe një shatërvan me ujë që ende rridhte nga një tub i ndryshkur. Fotografitë e pabesueshme tregojnë arkat me shishe birre të zbrazëta, të grumbulluara pranë një kafeneje, dhe një makinë e vjetër gjysmë e shkatërruar që po ndryshket nga një mur guri, ndërsa pamjet e pabesueshme me dron treguan ndërtesat e braktisura, disa prej të cilave mbetën çuditërisht të paprekura.

Duke folur për thatësirën, pensionisti Maximino Perez Romero, 65 vjeç, nga A Coruna, tha:

Është sikur po shoh një film. Kam një ndjenjë trishtimi. Ndjenja ime është se kjo është ajo që do të ndodhë me kalimin e viteve për shkak të thatësirës dhe gjithë kësaj, me ndryshimet klimatike.

Burimi:dailymail Përktheu dhe përshtati:JOQ ALBANIA