Shqipëria e fundit në Europë për rrogën minimale. Me pagën minimale 30 mijë lekë, vendi ynë nuk kalon asnjë prej 48 shteteve të tjerë europiane.

Edhe pse në vitin 2021, paga minimale u rrit me 30 euro, vlera e re nuk tejkalon asnjë shtet tjetër.

Në raport me shtetin kryesues, Luksemburgun, paga minimale në Shqipëri është 9 herë më e ulët dhe në raport me mesataren e Bashkimit Europian, 4 herë.about:blank

Më shumë se 25 % e punonjësve në Shqipëri paguhen me rrogë minimale, e cila vlen shumë më pak, nëse llogaritet edhe pjesa e shpenzimeve.

Në matjet e Eurostat, familjet shqiptare kanë peshën më të lartë të shpenzimeve për ushqime në Europë, një tregues ky që flet për varfërinë në vend.

Qeveria do të rrisë sërish pagën minimale këtë vit, ndërsa premton që deri në vitin 2025 ta cojë 40 mijë lekë ose 330 euro.about:blank

Rruga Press