Detaje të reja janë zbardhur në lidhje me vdekjen tragjike të 3-vjeçarit në Fier. Mësohet se kjo ngjarje e rëndë ka ndodhur në një kopësht privat në Fier, ndërsa i mituri ishte me origjinë nga Kolonja por që jetonte në fshatin Sheq i Vogël. Në fillim edukatoret kanë dyshuar se djali i vogël ka humbur ndjenjat dhe është shtrirë në tokë, por kur e kanë çuar në spital ai ka qenë pa shenja jete. Rreth qafës fëmijës i janë konstatuar disa shenja por nuk dihet se nga se i janë shkaktuar. Ka dyshime se ai mund të ketë gëlltitur diçka të fortë dhe kjo mund t’i ketë sjellë mbytjen e menjëhershme. Trupi i fëmijës ndodhet aktualisht në spital ku po i kryhen ekspertizat e nevojshme/JOQ