LOADING...

Shko në fillim

LiveRadio Kontakt
 Spanja kundërshton klasifikimin e energjisë bërthamore dhe gazit natyror si investime të gjelbra

Spanja kundërshton klasifikimin e energjisë bërthamore dhe gazit natyror si investime të gjelbra

Qeveria nuk i konsideron investimet në fushat e energjisë bërthamore dhe gazit natyror të gjelbra ose të qëndrueshme, tha Teresa Ribera, zëvendëskryeministrja dhe ministrja për Tranzicionin Ekologjik dhe Sfidën Demografike

Spanja kundërshton një propozim të Komisionit Evropian për të klasifikuar energjinë bërthamore dhe gazin natyror si investime të gjelbra, tha një zyrtar qeveritar të dielën

Qeveria nuk i konsideron investimet në fushat e energjisë bërthamore dhe gazit natyror të gjelbra ose të qëndrueshme, tha Teresa Ribera, zëvendëskryeministrja dhe ministrja për Tranzicionin Ekologjik dhe Sfidën Demografike, sipas të përditshmes spanjolle “La Vanguardia”.

Duke përsëritur se Spanja mbetet një mbështetëse e vendosur e transformimit të gjelbër, Ribera paralajmëroi se një veprim i tillë do të ishte një hap prapa dhe do të dërgonte sinjale të gabuara për sa i përket synimeve të transformimit të gjelbër të Bashkimit Evropian.

Ajo theksoi se vendi pranon se si energjia bërthamore ashtu edhe gazi natyror kanë një rol për të luajtur në transformim, por nuk duhet të trajtohen si të gjelbra ndërkohë që ka burime të tjera energjie që nuk përbëjnë kërcënim për mjedisin.

Yolanda Diaz, zëvendëskryeministrja dhe ministrja e Punës dhe Ekonomisë Sociale, i bëri thirrje KE-së të rishqyrtojë propozimin.

“Evropa ka ende shansin të rishqyrtojë këtë vendim për të shmangur largimin nga provat shkencore dhe kërkesa sociale”, tha ajo.​​​​​​​/Anadolu Agency (AA).

Prev Post

Për çfarë i shpenzojnë paratë shqiptarët, në krahasim me europianët

Next Post

Kur Anton Çetta fliste për pajtimin e gjaqeve në New York Times

post-bars

Leave a Comment