Sulltan Mehmeti II – pushtuesi i Kostandinopojës – futi të gjithë Greqinë në pushtimet e tij europiane në mesin e shekullit 15. Mehmeti II udhëtoi nëpër Athinë dhe admiroi shkëlqimin e lashtë të Akropolit. Ai njohu gjithashtu edhe vlerën e tij ushtarake dhe vendosi një garnizon me ushtarë mbi kodër. Më pas, ai vendosi ndryshimin e tretë të fesë në Partenon, duke e shndërruar në xhami, Kishën e Zonjës Sonë. Kambanorja u shndërrua në minare, pikturat dhe mozaiket zëvendesohen me dekore lulesh; dhe altari u zëvendësua me një minber. Tempulli Erekteum, që edhe ai ishte bërë kishë, ndryshoi në mënyrë radikale – ai u bë harem.

Ndonëse Akropoli praktikisht ishte i mbyllur për të huajt, disa vizitorë aventurierë arritën të fyten duke u dhënë rryshfet rojave turke. Mes tyre ishin edhe dy pionierë të hershëm të turizmit europian: Jacob Spon dhe George Uheler, që në vitin 1675 e përshkroi Partenoni si “xhamia më e bukur në botë”. Ata ishin ndër të fundit që e shijuan të paprekur, pasi lufta mes otomanëve dhe venedikasve shkaktoi katastrofën më të madhe në historinë e trazuar të monumentit.

Në vitin 1683, otomanët u tërhoqën nga Rrethimi i Vienës …

/bota.al