WhatsApp ka njoftuar për një veçori të re që thotë se “do të mbrojë bisedat tuaja më private”.

Chat Lock do t’i lejojë përdoruesit e aplikacionit të mesazheve të marrin një bisedë dhe ta vendosin në një dosje të re që mund të hyjnë në të vetëm me një fjalëkalim ose me informacion biometrik, si për shembull një gjurmë gishti, transmeton Telegrafi.

Meta, kompania mëmë e WhatsApp tha të hënën se kjo do t’i bënte e përdoruesve edhe me një shtresë shtesë sigurie dhe tashmë ka filluar ta lansojë atë.

Përmbajtja e mesazheve në njoftime gjithashtu do të jetë e fshehtë automatikisht, tha gjiganti i teknologjisë.

“Ne besojmë se kjo veçori do të jetë e mrekullueshme për njerëzit që ndajnë telefonat e tyre herë pas here me një pjesëtar të familjes, ose në momentet kur dikush tjetër po ju mban telefonin në momentin e saktë kur ju shkruan dikush papritur”, tha Meta në një njoftim për shtyp. /Telegrafi/