Dhoma e Përfaqësuesve japoneze (Shuugiin) miratoi një rezolutë ku shprehet “shqetësim për situatat serioze të të drejtave të njeriut” në disa rajone në Kinë

Tokio

Në Japoni u miratua rezolutë parlamentare që shpreh shqetësim për “situatën e të drejtave të njeriut” në Kinë, duke përfshirë Rajonin Autonom Ujgur Xinjiang dhe Rajonin Special Administrativ të Hong Kongut.

Dhoma e Përfaqësuesve japoneze (Shuugiin) miratoi një rezolutë ku shprehet “shqetësim për situatat serioze të të drejtave të njeriut” në disa rajone në Kinë.

Vlen të përmendet se tërhoqi vëmendje mosformulimi i fjalisë “shkelja e të drejtave të njeriut” në rezolutë dhe se Kina nuk ishte drejtpërdrejt përgjegjëse për shprehjet e “situatës serioze të të drejtave të njeriut” në lidhje me rajonet e lartpërmendura.

Në vendim, i cili kërkonte që qeveria japoneze të ndërhynte në mënyrë konstruktive në këto situata, administratës së Pekinit iu kërkua të merrte përgjegjësinë.

Duke iu referuar Rajonit Autonom Ujgur Xinjiang, Rajonit të Posaçëm Administrativ të Hong Kongut, Tibetit dhe Mongolisë së Brendshme, vendimi thotë: “Ne e perceptojmë ndryshimin me forcë të status quo-së si një kërcënim për komunitetin ndërkombëtar në situata serioze të të drejtave të njeriut”.

Duke theksuar shqetësimet e komunitetit ndërkombëtar për shkeljen e lirive fetare në Kinë, vendimi i bën thirrje qeverisë japoneze të mbledhë informacione për situatat në fjalë dhe të ndërgjegjësohet për gjithë gjendjen.

Duke theksuar se çështjet e të drejtave të njeriut “kalojnë përtej punëve të brendshme të një vendi dhe shqetësojnë komunitetin ndërkombëtar”, vendimi tërhoqi vëmendjen për ekzistencën e njerëzve që pohojnë se jetojnë nën persekutim në rajonet e përmendura dhe ofertat e vendeve të tjera për ndihmë për këta njerëz.

Vendimi kërkon gjithashtu bashkëpunim me vendet e tjera për monitorimin e progresit dhe zbatimin e masave gjithëpërfshirëse.

Në një deklaratë pas vendimit, ministri i Jashtëm, Yoshimasa Hayashi tha: “Ne punojmë në bashkëpunim me vendet që ndajnë vlerat tona. Bazuar në qëllimin e këtij vendimi, qeveria do të vazhdojë të bashkëpunojë ngushtë me komunitetin ndërkombëtar”.

Fjalët “dënimi i shkeljeve të të drejtave të njeriut” në rezolutë thuhet se u rishikuan me kërkesë të Komeitos, i cili është një partner i Partisë Liberale Demokratike (LDP) në pushtet.

Sipas burimeve brenda PLD-së, thuhet se Bordi Këshillimor do të miratojë një vendim të ngjashëm pas Lojërave Olimpike Dimërore të Pekinit 2022, të cilat do të fillojnë gjatë ditëve të javës./Anadolu Agency (AA).