Më 25 shtator 1946, Komiteti Antifashist i Emigrantëve Çamë i drejtoi Asamblesë së Përgjithshme të OKB-së një memorandum.

Ky komitet denonconte qeverinë greke për shkeljen e çdo parimi njerëzor dhe të të gjitha akteve ndërkombëtare, në zbatimin e një politikë shfarosjeje ndaj minoritetit çam. Në emër të kalvarit të vuajtjeve për dhjetëra vite, në memorandumin adresuar Asamblesë së Kombeve të Bashkuara, Komiteti parashtronte dhe kërkonte përmbushjen e disa kërkesave:

1) Riatdhesim të shpejtë;

2) Kthimin ose shpërblimin mbi të gjitha pasuritë tona të dëmtuara ose të grabitura;

3) Ndihmë për rimëkëmbje dhe marrje masash të nevojshme të sigurimit;

4) Respektim i të drejtave demokratike dhe kombëtare;

5) Gjykimi dhe dënimi i përgjegjësve për masakrat në Çamëri.

Memorandumi, i nënshkruar prej kryetarit të Komitetit, Kasem Demit, përmbyllej me kërkesën për zhvillimin e dëgjesave me përfaqësues të këtij organi.

Dokumenti i Komitetit Çam drejtuar OKB-se. / atsh / KultPlus.com