Përmbledhje:

Datat 28 nëntor 1912 dhe 11 shkurt 1920 janë ndër datat më kulmore në historinë tonë kombëtare të këtyre 110 viteve të fundit. Patriotët, njerëzit e përparuar, të shkolluar e të aftë që u vunë në drejtim të Shqipërisë dhe të kryeqytetit, ishin vizionarë. Ata kishin studiuar dhe jetuar në vende të përparuara dhe dëshironin që edhe Shqipëria jonë të kishte fytyrën e një vendi të përparuar, të lirë e më vete.

Familja Ndroqi, që nga stërgjyshi ynë, Aliu, shquhej në Tiranë si familje bamirëse dhe derë nacionalistësh, me veprimtari patriotike, ku shquhen tre vëllezërit: Ibrahimi, figurë e ndritur e shqiptarizmës në Tiranën e asaj kohe që kishte titullin “Myderriz” (profesor), Ismaili dhe Mehmeti, vëllai i tretë, ishte patriot i shquar, pjesëmarrës në lëvizjet përparimtare në fillimshekullin XX, i cili ngriti shtypshkronjën “Gutenberg”, e para në Tiranë, që përhapte librin, dijen e kulturën. Ismaili është figura më e spikatur e familjes në këto periudha, shumë aktiv në jetën politike, qytetare e shpirtërore (fetare).

Ismail Ndroqi u bë një nga figurat kryesore të lëvizjes kombëtare kundër pushtuesve osmanë dhe shovinistëve fqinjë, të cilët punonin për copëtimin e Shqipërisë.

Lexoni të plotë artikullin në:

https://albanica.al/univers/article/view/685/706