Në raport thuhet se radari me hapje sintetike (SAR) është një “lloj teknologjie me sensorë në distancë që përdoret për të studiuar mjedisin gjeologjik, si dhe për të monitoruar rrëshqitjet e dheut dhe tërmetet”

Kina ka dërguar në hapësirë satelitin e saj më të madh të monitorimit të tokës.

Siç raportoi transmetuesi publik CGTN, sateliti ‘L-SAR 01A’ u lëshua në bordin e raketës bartëse ‘Long March-4C’ nga qendra e lëshimit satelitor Jiuquan në Kinën veriperëndimore.

Në raport thuhet se radari me hapje sintetike (SAR) është një “lloj teknologjie me sensorë në distancë që përdoret për të studiuar mjedisin gjeologjik, si dhe për të monitoruar rrëshqitjet e dheut dhe tërmetet”.

‘L-SAR 01A’ është “sateliti më i madh i Kinës për vëzhgimin e tokës që vepron në orbitë në bazë të kalibrit, një sistem kyç matës për matjen e aftësive”.

Sateliti peshon 3,2 tonë dhe ka një antenë mbi 33 metra katror.

Sateliti do të ndihmojë Pekinin të kryejë “studim masiv me saktësi milimetrike” dhe po ashtu do t’u mundësojë shkencëtarëve “të vëzhgojnë më mirë zonat e mbuluara nga pyjet”.

Akademia e Teknologjisë së Fluturimeve Hapësinore e Shangait tha se sateliti mund të “reduktojë ndjeshëm varësinë e Kinës nga të dhënat SAR të ofruara nga vendet e tjera”.

Këtë vit, ky po ashtu është lëshimi i parë i raketave bartëse ‘Long March’ të prodhuara nga Kina. Deri më tani për lëshimet në hapësirë vendi ka përdorur 407 raketa bartëse ‘Long March’./Anadolu Agency (AA).