Tahiri tek Krimet e Rënda, Prokurorët marrin në pyetje ish-ministrin

Grupi i prokurorëve që po hetojnë çështjen e tij, kanë ftuar Saimir Tahirin këtë të premte për ta marrë në pyetje.
Saimir Tahiri ka pranuar kërkesën e prokurorëve dhe hyri në Prokurorinë për Krimet e Rënda për t’u pyetur duke nisur nga ora 14:00.

Ish-ministri i Brendshëm do të pyetet nga prokurorët një ditë pasi oficerët gjyqësore kontrolluan në banesën e tij, ku nuk gjetën asnjë gjë që ta implikojë deputetin me grupin e Habiljave në trafikun e drogës drejt Italisë.

Vetë Tahiri ka kërkuar më shumë se një herë që të merret në pyetje personalisht, për t’i shkuar deri në fund, sipas tij, të vërtetës.
Edhe gjatë mbrojtes përpara Këshillit të Mandateve dhe Imuniteteve, ish-ministri i Brendshëm deklaroi se nuk i ishte kërkuar për asnjë moment dëshmia e prokurorëve për hetimin ndaj tij.

Të mërkurën Kuvendi refuzoi kërkesën e Prokurorisë për të kufizuar lëvizjen e Saimir Tahirit, por e autorizoi atë që të kontrollojë banesën dhe sendet personale të ish-ministrit.

Share Button