Paralajmërimi i Ramës për bizneset

Kryeministri i Shqipërisë, Edi Rama paralajmëroi sot bizneset për vetërregullim, duke deklaruar se “forca e ligjit do të jetë mbi çdo biznes që mashtron”.

Në komunikimin javor përmes faqes së tij në “Facebook”, Rama u shpreh se “e kemi bërë të ditur publikisht ambicien tonë për të luftuar informalitetin e punëve në të zezë dhe rritur konkurrencën e ndershme si edhe kontributet e sipërmarrjes në arkën e shtetit”.

“Kemi arritur rezultate të rëndësishme deri këtu, por presim ende shumë akoma dhe mundësitë për shumë më tepër janë vërtetë të mëdha”, tha Rama.

Me zgjerimin e bazës së TVSH-së, vijoi kreu i ekzekutivit, që tanimë është miratuar nga kuvendi i Shqipërisë dhe prej janarit të ardhshëm do të përfshijë edhe çdo biznes të vogël mbi 2 milion lekë xhiro vjetore, padyshim që vlera e shtuar e operacionit anti-inforamlitet do të rritet.

“Fokusi ynë është vënë në radhë të parë tek biznesi i madh. Rritja aktuale me mesatarisht 4.5% e qarkullimit mujor të bizneseve të mëdha është një tregues që flet pozitivisht, siç flet pozitivisht edhe rritja me 15.5% e të ardhurave”, deklaroi kryeministri.

Share Button