Ky produkt eliminon shtresat gëlqerore nga dushi

Nëse e lani vetëm pjesën e jashtme, përkatësisht vetëm dorezën dhe çezmën, do të ndodhë që goxha shpejt me rastin e larjes dushi më shumë të rrjedhë pika-pika sesa të ketë vrushkull të fuqishëm. Shtresat e ndyrësirave, posaçërisht ato gëlqerore do t’i mbyllin vrimat e dushit.

Kur të ndodhë kështu, do të duheni patjetër që të angazhoheni më shumë rreth pastrimit, sepse gëlqerja nuk do të hiqen lehtë. Për pastrim do t’ju nevojitet uthulla, një qese, një llastik gome.

Pra, qesen duhet ta mbushni me uthull, ta mbështillni përreth kokës së dushit dhe ta lidhmi me llastik gome apo me tojë. Duhet patjetër të keni uthull të mjaftueshme në mënyrë që i tërë dushi të zhytet në të.

Nëse keni mundësi, më së miri është që të hiqni dushin dhe ta fusni në një enë ku më parë keni qitur uthull.

Se sa gjatë duhet ta mbani kokën e dushit në uthull varet nga sasia e ndyrësirave dhe shtresave gëlqerore, mund ta lini të qëndrojë edhe tërë natën.

Pastaj me brushë dhëmbësh pastroni shtresat e mbetura të gëlqeres, të cilat pas këtij tretmani me siguri do të duhej që të gjitha të eliminohen.

E përfundoni punën ashtu që do ta fshini mirë kokën e dushit me një leckë të thatë dhe kështu do t’ia ktheni shkëlqimin që e ka pasur.

Nëse dushi nuk mund të hiqet apo është i kapur për tavani dhe nuk mund ta praktikoni metodën me qese, provoni që ta lyeni me përzierjen e sodës dhe lëngut të limonit dhe lëreni të qëndrojë ashtu.

Pas disa orëve fërkoni mirë dhe lani ndyrësirat dhe pastaj pastrojeni edhe me brushë dhëmbësh duke e lagur në uthull.

Share Button