Kosovë, qeveria rrit pensionet

Qeveria e Kosovës ka marrë vendim që të rrisë pensionet e kontributdhënësve, duke ua njohur përvojën e punës edhe atyre që gjatë luftës u kanë humbur dokumentet e përvojës së punës.

Sipas vendimit të qeverisë, të gjithë punëtorët që kanë përvojë mbi 15 vjet para vitit 1999, do t’u njihet automatikisht përvoja si 25-vjeçare.

Ministri i Punës dhe Mirëqenies Sociale, Arban Abrashi bëri të ditur se me këtë vendim të qeverisë pensionet bazë, që deri tani kanë qenë 140 euro, do të rriten në 158 euro.

Ndërsa kryeministri Isa Mustafa tha se rritja e pensioneve të kontributdhënësve do të ndryshojë edhe prej kualifikimit që kanë pasur punëtorët kur kanë punuar.

Share Button