Ja kush ju ndihmon në lënien e duhanit

Vaji i peshkut njihet për benefite të shumta në shëndet, si reduktimi i mundësive për sëmundje në zemër, kancer, depresion, hiperaktivitet etj.

Suplementi omega-3 që gjendet në këtë vaj, përveç të lartpërmendurave, mund të ndihmojë edhe duhanpirësit që të heqin dorë nga ky ves. Sipas shkencëtarëve të Universitetit të Haifas në Izrael, duhanpirësit, të cilëve iu dha çdo ditë kapsula omega-3 përgjatë 1 muaji, ulën dozën e konsumit të duhanit me 11%.

Pirja e duhanit ul nivelin e acideve yndyrore në tru, sidomos atë të Omega-3. Mungesa e omega-3 dëmton strukturën qelizave nervore dhe ndërpret komunikimin midis nervave në disa pjesë të trurit, ku bën pjesë ndjesia e kënaqësisë.

Sipas shkencëtarëve, këto pjesë të trurit janë esenciale në vendimmarrje dhe shumë të rëndësishme sa i përket varësisë, ndaj mungesa e omega-3 bën që trupi ta ketë të vështirë që t’i rezistojë dëshirës për një tjetër cigare.

Share Button