Efektet e kafes esëll në organizëm

Kohët e fundit hulumtuesit nga departamenti i epidemiologjisë dhe gjenetikës së Institutit Kombëtar të Kancerit në Shtetet e Bashkuara raportuan se pirja e kafesë në sasi të mëdha mund ta zvogëlojë rrezikun e melanomës malinje. Dhe nuk ka dyshim, kafja e zezë është e pasur me antioksidantë të cilët veprojnë në mënyrë të favorshme në shëndetin tonë.

Megjithatë, ka shumë rëndësi se kur dhe si e pini kafenë e zezë. Shumica e njerëzve nuk mund ta fillojnë ditën e tyre pa një filxhan, të nxehtë, të kafesë së zezë në mëngjes. Dhe madje edhe pa e ngrënë mëngjesin. Nuk është çudi që pas kafesë shumica e njerëzve e shmangin ta hanë mëngjes, sepse kjo pije vepron për ta shuar urinë. Megjithatë, pirja e kafesë së zezë esëll ka disa efekte të tjera shëndetësore.

Një filxhan kafeje të pastër të zezë esëll e stimulon sekretimin e acidit klorhidrik (HCl) në sistemin e tretjes, dhe këtë dukuri të pakëndshme do ta ndiejnë shumë shpejt personat e prirë ndaj gastritit.

Nuk kursehen as personat që nuk vuajnë nga gastriti, sepse ky acid e shpërbën ushqimin që ne e konsumojnë, dhe nëse mungon gjatë ditës, do të kemi probleme me tretjen dhe shpërbërje të reduktuar të proteinave.

Megjithatë studime të shumta kanë treguar se kafeja duhet pirë vetëm një orë pas zgjimit dhe madje kurrsesi në lukth të zbrazët. Kafja duhet shmangur të pihet menjëherë pas zgjimit, sepse atëherë niveli i kortizolit është shumë i lartë, dhe është përgjegjës për kontrollin e orës biologjike.

Një filxhan kafe në lukth të zbrazët mund të shkaktojë urth, fryrje, dhe në disa raste edhe të vjella. Përpiquni që në mëngjes të hani të paktën një fetë bukë para se të pini kafe, dhe në qoftë se nuk mund ta bëni këtë, atëherë të paktën kafenë zbuteni me qumësht.

Share Button